මුල්ම චිත්‍රපටිය විධියට කියන්න යන්නෙ දවස් කීපයකට කලින් බලපු එකක් ගැන. ඒ තමයි Netwok.
මේක රූපවාහිනී සමාගමක තුල ඉන්න චරිත කීපයක් වටේ තමයි දිවෙන්නේ. UBS රූපවාහිනී චැනලයේ ප්‍රවෘත්ති ප්‍රකාශකයෙක් වුණ හොවාඩ් බීල්ව එයාගෙ ප්‍රවෘත්ති ප්‍රකාශයට තියෙන රේටින්ග්ස් මදි වීම නිසා ආයතනයෙන් නෙරපනව. රූපවාහිනී රස්සාවම තමන්ගෙ ජීවිතය වුණ නිසා බීල්ට මේක දරුණුවට බලපානව. තමන්ගෙ අවසන් ප්‍රවෘත්ති ප්‍රකාශයෙදි කවුරුත් නොහිතපු විධියට මේ ගැන ඔහු පාඨකයාට කියනව. ඒ ඔහුටම අනන්‍ය වුන දාර්ශනික කතාවකින්. ඒ විකාශය හොඳට හිට් වෙනව. ඉතිං ඊට පස්සෙ එයාගෙම ෂෝ එකක් විධියට ඔහුගෙ කතා විකාශනය කරන්න ගන්නව.
මේ ක්‍රියාදාමය පාලනය කරන්නෙ Max සහ Diana කියන නාලිකාවෙ ඉහල නිලධාරින් දෙන්නෙක්. ඒ දෙන්න අතරෙ ඇතිවෙන පෙම් සම්බන්ධය සහ ඒක ඊට පස්සෙ නාලිකාවෙ අභ්‍යන්තර දේවල් වලට බලපාන හැටිත් ඒ ඔස්සෙ ඒ අයගෙ ජීවිත වෙනස් වෙන හැටිත් තමයි කතාව පුරා ගලාගෙන යන්නෙ.
මට හොඳටම හිතට ඇල්ලුවෙ මේ චිත්‍රපටියෙ ප්‍රධාන නිළිය වෙන Faye Dunaway සහ William Holden ගෙ රඟපෑම තමයි. Faye Dunaway කොයිතරම් දැණෙන්න රඟපෑවද කියනවනම් එයා රඟපාපු තවත් චිත්‍රපටි කීපයක්ම ඊට පස්සෙ හොයාගෙන බැලුවා.
No comments:
Post a Comment