 |
| http://www.cinemagora.co.uk |
Into the Wild චිත්‍රපටියත් මම සෑහෙන්න ඉස්සර දවසක බලපු නියම චිත්‍රපටියක්. ඒ දවස්වල තිබුණ වනගත වීමේ පිස්සුවත් එක්ක මේ චිත්‍රපටිය සෑහෙන්න වැදුණා මට. ඒ වුගේම මේ චිත්‍රපටියෙ තියෙන සංගීතය මට චිත්‍රපටියට වඩා දැණුන ඒ දවස් වල. දැනටත් බොක්ස් ගිටාර් වලින් විතරක් වැයෙන මේකෙ සංගීතය හොඳට විඳින්න පුළුවන්.
Christopher McCandless කියන තරුණයා තමන්ගෙ උපාධිය සම්පූර්ණ කිරීමෙන් පස්සෙ තමන්ට අයිති දේවල් අත්හැරල දාල තමන්ගෙ සියළු ධනය ප්‍රණ්‍ය කටයුතු වලට පරිත්‍යාග කරල, පොකට් එකේ ඉතිරි වුණ සල්ලි ටික පුච්චල දාල ඇලස්කාවට යන්න පිටත් වෙනව. ඔහු යන්නෙ කැලෑවට වෙලා වනගත ජීවිතයක් ගෙවන්න. ඒ ගමනෙදි ඔහුට හමුවන විවිධ පුද්ගලයන් සහ මුහුණ දෙන්න වෙන විවිධ සිදුවීම් තමයි චිත්‍රපටිය පුරාම තියෙන්නේ. ඒ සිදුවීම් සහ පුද්ගලයින් ක්‍රිස්ටෝපර්ට ජීවිතේ ගැන තියෙන අව‍බෝධය වෙනස් කරන්න සමත් වෙනව. ඔහු තමන්ගෙ අරමුණ කරා යන්නෙ වඩාත් දැණුවත් පුද්ගලයෙක් විධියට!
චිත්‍රපටියෙ රඟපාන්නෙ ඒ තරම්ම ජනප්‍රිය නළු නිළියො නොවුණට ඔවුන්ගේ රඟපෑම් බොහොම ස්වභාවිකයි. ප්‍රධාන නළුවා වෙන Emile Hirsch රඟපාන ජනප්‍රිය චිත්‍රපටි නම් කීපයක් තියෙනවා. මේ චිත්‍රපටියෙදිත් ඔහුගේ රංගනය නම් සුපිරි. ඒ එක්කම මේක හොලිවුඩයේ ඉන්න දක්ෂ නළුවෙක් වෙන Sean Penn මහත්තයගෙ අධ්‍යක්ෂණයක්. ක්‍රිස්ටෝපර් තමන්ගෙ අරමුණ කරා යද්දි පසුකරන ස්වභාවධර්මයේ අපූරු තැන් ගොඩක් බොහොම සුන්දරව චිත්‍රපටියට අසු කරගන්නත් ඔහු සමත් වෙලා තියෙනව.
Christopher McCandless කියන්නෙ සැබෑවටම ජීවත් වුණ පුද්ගලයෙක්. විකිපීඩියාව අනුව ඔහු ජීවත් වෙලා තියෙන්නෙ අවුරුදු 24යි. කැලේට වෙලා ඔහු ඒ තරම් කාලයක් ජීවත් වෙලා නැති පාටයි. නමුත් ජීවිතේ නිදහස සහ වින්දනය ගැන ඔහු ඉතිරි කරල ගිහින් තියෙන දේවල් නම් සුවිශේෂයි.
බලන්න. ඔයාලටත් කවදහරි වනගත වෙන්න හිතිල ඇතිනේ....
danata mama wadima wara gananak balapu chithra pataya...wara gana matwath mathaka naha..mama mekey aththa pothath kiyawwa giya christmas vacation ekey..puluwannam aragena kiyawanna.sampuurna kick ekak labewi...anith ekak oya mekey music walata awadanak yomu karanam mekei "eat pray love ekei" apita hambena Eddie Vedder kiyana darunu pudgalaya hambenawa..mata thama vishlayshanaya karamin pawathina hethuwak matha nadeeka gurugaywa danenanawa minihage ara athuley...charma+pathra
ReplyDeleteEddie Vedder මටත් අහුවුණා බන්.. අර ක්වීනා කියන එකද මන්දා ගහන නියම සින්දුවක් එක්ක. හොයමු මිනිහ ගැන :D
ReplyDelete