Dabangg චිත්‍රපටිය හින්දි චිත්‍රපටියක්. මේ චිත්‍රපටිය ගැන අපේ සුපුන් සුදාරකත් කෙටි විස්තරයක් කරල තියෙනව මෙතන. මට සාමාන්‍ය හින්දි චිත්‍රපටියක් විධියට කතාව ඒ තරම්ම විශේෂිත එකක් විධියට නොපෙනුනත් කම්මැලි නැතිව බලන්න පුළුවන් චිත්‍රපටියක් කියල කියන්න පුළුවන්. ඒ එක්කම සටන් ජවනිකා සහ වෙනත් පුංචි පුංචි ත්‍රාසජනක අවස්ථා රූගත කරල තියෙන විධිය ගැන හොඳ පැහැදීමක් ඇති වුණා. විශේෂයෙන්ම The Matrix චිත්‍රපටියේ සටන් ජවනිකා අනුකරණය කරන්න සෑහෙන්න සාර්ථක ප්‍රයත්නයක් දරල තිබුණ.
චිත්‍රපටියෙ තියෙන්නෙ චුල්බුල් පාණ්ඩේ කියන නාහෙට නාහන පොලිස් නිලධාරියෙක්ගෙ කතාවක්. ඒ චරිතය සල්මාන් ඛාන් සුපුරුදු විධියටම උපරිමයෙන් රඟපානවා. ඔහු සෑම අතින්ම වීරයා. පුංචි කාලෙ ඉඳන් ඔහුව පවුල තුල කොන් වීම නිසා උවමනාවෙන්ම ඔහු රළු චරිතයක් වෙලා. හොරුන්ට, මං පහරන්නන්ට, දේශපාලන හෙංචයියන්ට බොහොම සැරෙන් ඉන්න ඔහුට රජ්ජෝව හමුවීමත් එක්ක ඔහු ටිකක් මෘදු වෙන්න පටන්ගන්නවා. රජ්ජෝගෙ චරිතය රඟපාන සොනක්ෂි සින්හා තරම් සුන්දර නිලියක් තමාට හමුවෙලා නෑ කියල තමයි සුදාරක නම් කියල තිබුණෙ.
සුපුරුදු විධියටම දූෂිත දේශපාලකයෙක් මේ කතාවට ඇ‍ඳෙනවා. සිදුවීම් ගණනාවකට පස්සෙ වීරය ගිහින් අර දුෂ්ඨයෝ සෙට් එකටම නෙලනවා ඇප නැති වෙන්න.
හිනා වෙන්න, බලන් ඉන්න, සංගිතයෙන් මන්මත් වෙන්න, අපූරු සටන් වලින් කුල්මත් වෙන්න කියාපු චිත්‍රපටියක්!
ඇත්තටම හොඳ චිත්‍රපටයක් , මේ ටික කාලෙකට කලින් අපි ඔය ගැන ලියපු ලිපියක්
ReplyDeletehttp://bollywood-sinhala.blogspot.com/2011/02/dabanggreview-wallpaper-collection.html
නියමයි! මම මම බොලිවුඩ් සිංහලෙන් feed එක මේ බ්ලොග් එකට එකතු කලා!
ReplyDelete