Monday, February 25, 2013
The Wings of the Dove (1997) | Helena Bonham Carter, Linus Roache
කේට් පොහොසත් තරුණියක්. අගේ පෙම්වතා දිළිඳු පත්තර වාර්තාකාරයෙක්. විසිවෙනි සියවසේ මුල් අවධියෙ එංගලන්තයෙදි දිග හැරෙන ඔවුන්ගේ ප්රේම කතාව ඒ හැටි හොඳ එකක් නෙවෙයි. මුදල් සහ සමාජ තත්ත්වය ඔවුන්ගෙ ප්රේමයට හරස් වෙනව.
ඒ අතරෙ ඔවුන් අතරට එන තුන්වැන්නෙක් නිසා ඔවුන්ගේ බලාපොරොත්තු අළුත් වෙනව. ප්රේමයේ අනිත් පැත්ත වෙන වෛරය, ඉරිසියාව හැම දේමත් එක්ක ඔවුන්ගේ ප්රේමය විවිධ පැතිවලට ගලාගෙන යනවා.
Helena Bonham Carter කියන නිළිය නොදන්න කෙනෙක් ඉන්න බෑ. ඇය ගොඩක්විට ඉන්නෙ මායාකාරී චරිතවලට. ඒ වගේම ඇය තුල ඒ මායාකාරී බලය නැහැයි කියල කියන්නත් බෑ. The Wings of the Dove චිත්රපටියෙදිත් ඇගේ වසඟකාරී බවෙන් ඔයාලට ගැලවෙන්න බැරි වෙයි.
චිත්රපටිය හමුවෙන්නෙත් ඇය ගැන හොයද්දි තමයි. 1997 ඇකඩමි උළෙලෙදි හොඳම නිළිය විධායට නිර්දේශ වෙන්න හෙලේනා සමත් වුණේ මේ චිත්රපටියෙ රංගනය නිසා. කතාවේ අනිත් ප්රධාන නළුවන් සහ නිලියන් ඒ හැටි දන්න කියන උදවිය නොවුනත් ප්රධාන නළු Linus Roache බොහොම ස්වභාවික රංගනයක යෙදෙන බවයි මට තේරුණේ.
Saturday, February 23, 2013
Garden State (2004) | Zach Braff, Natalie Portman
Andrew Largeman කියන්නෙ ගමෙන් ඈත් වෙලා නගරයේ ඒ තරම් සාර්ථක නැති නළුවෙක් විධියට වෙන වෙන පාට් ටයිම් වැඩත් කරගෙන ඉන්න තරුණයෙක්. අවුරුදු ගණනාවකට පස්සෙ ඔහුට හදිසියේ ගමට එන්න සිද්ධ වෙන්නෙ ඔහුගෙ අම්මගේ මරණය නිසා. මළගමට පස්සෙ ඔහුට ඔහුගෙ පරණ යාළුවො කීප දෙනෙකුත් හමුවෙනව. ඒත් ඔහු ඉන්නෙ සතුටින් නෙවෙයි. තදින් මනසට වද දෙන කාරණා කීපයක් සහ හිසරදයක් හින්ද ඔහු ඉන්නෙ ටිකක් අවුල් මානසිකත්වයක. ඒ සම්බන්ධව බෙහෙත් ගන්න ගිය වෙලාවකදි ඔහුට අපූරු තරුණියක් හමුවෙනව. මේ තරුණියටත් යම් යම් ගැටළු කීපයක් තියෙනවා. ඒත් ඇය ඔහුගේ ජීවිතේට විකල්පයක් වෙනවා.
කතාවෙ ඉතිරි ටික හිතාගන්න පුළුවන් වුණත්, සමහරවිට අපි හැමදාම දකින්න ආස විධියෙ විශේෂ අමුතු කතාවක් නැති සරළ කතාවක් වුණත් මේ චිත්රපටිය මගේ හිත්ගත්තා. කාලෙකට පස්සෙ ආයෙත් බ්ලොග් එක ලියන්න පටන්ගන්න ඕන කියල හිත හිත විතරක් ඉඳපු ඉඳිල්ල අවසන් කරන්න හිතුණෙ ඒක නිසා.
කතාව හිත්ගන්න පාදක වුණ අනිත් කාරණේ තමයි චිත්රපටිය පුරාවටම තියෙන ගීත ඛණ්ඩ. ඒව වැඩි වෙලා ඇහෙන ඒව නොවුණත් සෑහෙන්න හිතට වැදෙන ගීත ගණනාවක් චිත්රපටියෙ මූඩ් එකට ගැලපෙන්න පසුබිම සංගීතවත් කලා. ඒ නිසාම ඒ sound track එකත් පහල දීල තියෙනවා උවමනා කෙනෙක්ට!
කතාවෙ රඟපාන ප්රධාන නළුවා Zach Braff. චිත්රපටියෙ අධ්යක්ෂවරයාත් ඔහුයි. මේ වන විට ඔහු අධ්යක්ෂණය කරල තියෙන එකම චිත්රපටිය මේක විතරක් වීම නම් අවුලක් තමයි. ඔහුට අමතරව Peter Sarsgaard සහ Ian Holm (බිල්බෝ බැගින්ස්) මේකෙ රඟපානවා. නිළිය Natalie Portman. ප්රධාන නළු නිළි යුවලගේ රඟපෑමත් චිත්රපටියට මාව ගැටගහපු සාධකයක් වුණා.
ඔය බිග් බෑන් තියරියෙ ෂෙල්ඩන් ලොක්කත් මේකෙ පොඩි කෑල්ලකට ඉන්නවා. ඒ ඉන්නෙත් අර වගේම ක්ලිංගන් කතා කරන මඤ්ඤං චරිතෙකට.
Labels:
.Comedy,
.Drama,
.Romance,
2004,
Camelot Pictures,
English,
Natalie Portman,
Peter Sarsgaard,
Zach Braff
Subscribe to:
Posts (Atom)